Astanada «Ardagerler uıymy» respýblıkalyq qoǵamdyq birlestiginiń kezekten tys H sezi ótti. Sezd jumysyna elimizdiń barlyq óńirinen 101 delegat qatysty, dep habarlaıdy Egemen.kz.
«Ardagerler uıymy» RQB Ortalyq keńesiniń tóraǵasy Baqtyqoja Izmuhambetov óz sózinde elimiz úshin mańyzdy saıası naýqanǵa daıyndyq bastalǵanyn atap ótti.
«Sezdiń kún tártibinde Qazaqstan Respýblıkasynyń Prezıdenttigine kandıdat usyný máselesi tur. Bizge qazirgi ýaqytta álemdik saıasattyń sharttaryn jaqsy túsinetin, qajet bolǵan jaǵdaıda batyl sheshim qabyldaı alatyn saıası tulǵa qajet. Qasym-Jomart Toqaev - myqty saıasatker. Onyń joǵary biliktiligi, halyqaralyq qaýymdastyq moıyndaǵan tájirıbesi men bilimi eldi jańa bıikterge jeteleıtinine senimdimin», dedi Baqtyqoja Izmuhambetov.
Sezd delegattary tıisti qaýly qabyldap, Qasym-Jomart Toqaevtyń kandıdatýrasyna daýys berdi.